po śląsku
Dlo starki
Downij moja starka wyglondała staro,
a w dzisiejszych czasach jakoś odmłodniało,
kedyś miała kudły siwe troszka przerzodzone,
dzisiej gynste mocne na blond pofarbione
Starka to kobitka zadbano i modno,
robotno jak pszczoła łokropnie pogodno,
dama jak sie patrzi dlo wszystkich życzliwo,
przi ni familijo czuje sie szczynśliwo.
Kocho swoji wnuki nojbardzi na świecie,
zaproszo na feryje we zimie i w lecie,
bez to tyż te dziecka łokropnie ji pszajom
i we tyn dziyń gorki życzynia skłodajom.
Żyj nam starko dłogo ze sto lot najmyni,
niech chorobsko twoji pogody ni zmiyni,
i niech to co dobre dycki Ci sie darzi,
a czas Ci prziniesie to co Ci sie marzi.